[mustafa]

السلام عليكم ورحمة الله وبركاته

ازيكم يا شباب ...

يارب تكونوا بخير ومحضرين نفسكم كوويس للامتحانات خلاص هانت ...

الموضوع ده معمول ليكم عشان لو اي حد عايز يسأل عن اي حاجة خاصة بقسم عمارة عشان لو حد حابب القسم ونفسه يدخله وفي حاجة قلقاه او مش مطمن لحاجة معينة وكدة يعني ...

واعتقد انتوا لسة مكتبتوش الرغبات فدي فرصة كويسة تعرفوا عن القسم اكتر من خلال اسألتكم ...

وأي سؤال هيتجاوب عليه من الدفعات اللي أكبر ان شاء الله ...

وعايزين اسئلة كتييييرة اسألوا في أي حاجة محدش يزهق يعني ...

السلام عليكم

[ENG ARCH NOUR]

هو مافيش داخل عمارة؟ محدش ناوى يسئل?

[yoyie]

t2ryban kda mafesh

[mohamed.mostafa]

عندي كذا استفسار

البرامج زي autocad او برامج ثلاثيه الأبعاد مطلوبه في اولي ..طيب و لو طالب متمكن منها ده مصدر تمييز ولا البرامج ملهاش مكان في أولي
ازاي اتفوق في ماده زي design و خصوصا انها الوحيده الي مخوفاني

وشكرا ليكم يا شباب

[esraa]

السلام عليكم....

اهلا بحضرتك يا بشمهندس...نتمنى المنتدى ينال اعجابكم

بالنسبة

البرامج زي autocad او برامج ثلاثيه الأبعاد مطلوبه في اولي ..طيب

اعتقد انك مش هتحتاجها في اولى بس ده لايمنع انك هتستخدمها اكيد وهتنفعك في الدراسه وبالذات في سنه تانيه....

وبالنسبه

و لو طالب متمكن منها ده مصدر تمييز ولا البرامج ملهاش مكان في أولي

اعتقد انه مش مصدر تميز للدرجه لان ممكن يكون واحد مشروعه بالكمبيوتر كويس جدا لكن المشروع نفسه مش صح يعني في اخطاء ابعاده مش مظبوطة وغيرها كتير مشاكل بتحصل خاصا في الطباعة وساعتها الدكتور لايتقبل هذه الاعذار
وممكن طالب تاني يكون مشروعه ممتاااااااز جدا ومرسوم حلو يدوي بشكل نظيف واظهاره حلو جدا وياخد درجه اعلى بكتييييييير من اللي شغال كمبيوتر

ازاي اتفوق في ماده زي design و خصوصا انها الوحيده الي مخوفاني

التفوق في الديزاين كلمة كبيرة قوي بمعنى انك لازم تتفرج على مشاريع كتير وتفهمها كويس وتشوف الناس كانت بتفكر ازاي وتتعلم من خبراتهم ...
والمشاريع دي ممكن تجيبها من مكتبه القسم أو من عالنت أو مجلات وغيرها
وكمان لازم تتعرف على المعماريين المشهورين على مستوى العالم وتتفرج على تصاميمهم....
وكمان في الكليه سنه بسنه هيعلموكم قواعد ثابتة تمشي عليها تساعدك على التفكير وتساعدك على حل المشاكل المعماريه.....
يعني الموضوع مش محتاج انك تخاف خليك شجاع وجريء وتوكل على الله وربنا هيوفقكم ان شاء الله

اتمنى اكون قدرت افيدكم ولو في اي استفسارات لا تتردوا ابدا...

[mohamed.mostafa]

المشاركة الأصلية كتبت بواسطة esraa

السلام عليكم....

اهلا بحضرتك يا بشمهندس...نتمنى المنتدى ينال اعجابكم

بالنسبة اعتقد انك مش هتحتاجها في اولى بس ده لايمنع انك هتستخدمها اكيد وهتنفعك في الدراسه وبالذات في سنه تانيه....

وبالنسبه
اعتقد انه مش مصدر تميز للدرجه لان ممكن يكون واحد مشروعه بالكمبيوتر كويس جدا لكن المشروع نفسه مش صح يعني في اخطاء ابعاده مش مظبوطة وغيرها كتير مشاكل بتحصل خاصا في الطباعة وساعتها الدكتور لايتقبل هذه الاعذار
وممكن طالب تاني يكون مشروعه ممتاااااااز جدا ومرسوم حلو يدوي بشكل نظيف واظهاره حلو جدا وياخد درجه اعلى بكتييييييير من اللي شغال كمبيوتر


التفوق في الديزاين كلمة كبيرة قوي بمعنى انك لازم تتفرج على مشاريع كتير وتفهمها كويس وتشوف الناس كانت بتفكر ازاي وتتعلم من خبراتهم ...
والمشاريع دي ممكن تجيبها من مكتبه القسم أو من عالنت أو مجلات وغيرها
وكمان لازم تتعرف على المعماريين المشهورين على مستوى العالم وتتفرج على تصاميمهم....
وكمان في الكليه سنه بسنه هيعلموكم قواعد ثابتة تمشي عليها تساعدك على التفكير وتساعدك على حل المشاكل المعماريه.....
يعني الموضوع مش محتاج انك تخاف خليك شجاع وجريء وتوكل على الله وربنا هيوفقكم ان شاء الله

اتمنى اكون قدرت افيدكم ولو في اي استفسارات لا تتردوا ابدا...

شكراااا جدااا جدااا لأجابت حضرتك يا بشمهندسه اجابه وافيه
و ربنا يكرم الجميع

[mohamed.mostafa]

معلش هتقل عليكم
استفسار تاني
هوه في تدريب بعد اعدادي؟ ..ولو في مهم ولا لأ؟ عن تجربتكم انتو ..
طيب في قبل كده دكتور قبل شغل كمبيوتر في اولي؟

وشكرا ليكم

[esraa]

المشاركة الأصلية كتبت بواسطة mohamed.mostafa

معلش هتقل عليكم
استفسار تاني
هوه في تدريب بعد اعدادي؟ ..ولو في مهم ولا لأ؟ عن تجربتكم انتو ..
طيب في قبل كده دكتور قبل شغل كمبيوتر في اولي؟

وشكرا ليكم

السلام عليكم.....

مفيش تتقيل ولا حاجة .....يا جماعة احنا بنسعد باستفسارتكم في اي وقت وباي عدد....
بالنسبه للتدريب بعد اعدادي اعتقد كان في تدريب في الكليه نفسها خاص بالورش بتاعة هندسة الانتاج والرسم الهندسي وكده...واعتقد انها ما كنتش مهمة قوي بس كانت اجباري علينا
هل حضرتك تقصد كده ولا قصدك على تدريب تبع قسم عمارة نفسه؟؟؟

بالنسبه لشغل الكمبيوتر في المشروعات بتكون على حسب قابليه الدكتور للموضوع فاحيانا في دكاترة بيوافقوا وفي نفس الوقت في دكاترة بترفضه تماما فده بيكون على حسب تقبل الدكتور للموضوع...

بس في نفس الوقت لازم تكون عندك القدرة على استخدام برامج كمبيوتر تساعدك على عمل الابحاث
لان الشغل في قسم عمارة عبارة عن مشاريع وابحاث وشيتات وتسليمات وpresentationsوغيرها
فعلشان تعمل الحاجات دي ممكن تعملها يدوي أو كمبيوتر ده بيرجعلك انت لو الدكتور محددش

ولو في اي استفسارت لاتترددوا

[pocoyoo]

لو حد جايب مقبول رسم ينفع يدخل عماره
طيب لو الحد ده اصلا من كليه تانيه زي كده
وعايز يحول
بس تقديراته امتياز
جيد جدا
جيد
جيد
مقبول
مقبول
مقبول
ضعيف جدا
ضعيف جدا
ينفع بالمادتين دول احول اي كليه وادخل عاره او مدني؟؟
وياريت ياجماعه لما تظهر نتيجه الاقسام وواخده من كام تعرفوني
وشكرا جدا

[hendy]

المشاركة الأصلية كتبت بواسطة pocoyoo

لو حد جايب مقبول رسم ينفع يدخل عماره
طيب لو الحد ده اصلا من كليه تانيه زي كده
وعايز يحول
بس تقديراته امتياز
جيد جدا
جيد
جيد
مقبول
مقبول
مقبول
ضعيف جدا
ضعيف جدا
ينفع بالمادتين دول احول اي كليه وادخل عاره او مدني؟؟
وياريت ياجماعه لما تظهر نتيجه الاقسام وواخده من كام تعرفوني
وشكرا جدا

هو اهم حاجة في الموضوع التقدير النهائي اللي هو الكلي يعني بس اصلا اللي بيحول من جامعة تانية للقاهرة مش ينفع يدخل غير قسم بترول وتعدين او كيميا او طيران غير كده مينفعش الا اذا كان في سوري يعني واسطة
بس انتي عندك مشكلة ان انتي معاكي مادتين ومينفعش تحولي من جامعة الي جامعة الا اذا كنتي صافي

[yoyie]

المشاركة الأصلية كتبت بواسطة mohamed.mostafa

معلش هتقل عليكم
استفسار تاني
هوه في تدريب بعد اعدادي؟ ..ولو في مهم ولا لأ؟ عن تجربتكم انتو ..
طيب في قبل كده دكتور قبل شغل كمبيوتر في اولي؟

وشكرا ليكم

bensba le el dakatra bet2bl sho3'l el computer fe 2ola dah msh by7sl we elly 7asl m3ana fe sana 2ola enhom kolhom rafdo el computer ma3ada fe a5er mashro3 bas sam7o beh we kman msh kol el dr 2ma bensba le el tadreb el 5as be 3mara hwa lazem ykon feh tadreb we kman btb2a 7aga mohema la2n kol elly enta betdrso nazry hatshofo 3amly we deh 7aga asasya men motlbat el ksm la2nk msh hatb2a mohandesh nazry we yarb akon wesltlk el ma3lomat

[eng yousra]

انا عايزة اعرف كل حاجة عن عمارة
عشان مترددة بينها وبين مدنى

[TimeOut]

بصى يا ستى قسم عمارة وقسم مدنى
انا ما اعرفش معلومات كتير عن مدنى بس ممكن اعرف عن عمارة
قسم عمارة قسم جميل جدا طبعا
بيفرق بينه وبين الاقسام التانية كلها الضغط النفسى من اول يوم بيبقى عندنا شغل
بكل صدق تقريبا كنا كلنا احنا ايه اللى جابنا هنا وماكناش فاهمين حاجة ولا حاسين ان ده مكانا بس بعد فترة تختلف من شخص للتانى حسينا ان احنا فعلا ماننتميش لأى مكان او قسم تانى ودى حقيقة فعلا
قسم عمارة بيحتاج انسان يقدر يطور من نفسه ومابيرضاش عن نفسه بمعنى لازم يقول كل مرة انا لازم المشروع الجاى يبقى احسن ابقى احسن
بصوا يا جماعة المشروع الحلو بيفرض نفسه طبعا بس لو ما اخدش درجة او الدكاترة اختلفوا عليه هتكمل برضه عمارة مش مجرد مشروع وخلاص عمارة تعب فعلا مش راحة زى الاشاعة اللى طالعة عليها
مواد عمارة
الترم الاول :
رياضيات
structure
تصميم
انشاء
نظريات عمارة
تدريب بصرى
الترم الثانى:
مساحة
خواص مادة
انشاء
تاريخ عمارة
ظل ومنظور
فى مواد عندنا بتبقى مواد مذاكرة وفى مواد مشاريع حاولى تجمعى اعمال سنة فيهم على قد ماتقدرى هتفرق فى الفاينال مواد المشاريع 60% منها اعمال سنة و40% امتحان اخر الترم واخر السنة فاللى اعمال السنة بتاعته عالية بتبقى مرتاح فى الفاينال ان شاء الله
خريج عمار بيشتغل مدنى ومعمارى يعنى تصميم وتنفيذ بتاع مدنى تنفيذ بس ومدنى عموما قسم مذاكرة مش قسم مشاريع يعنى بالمقارنة بعمارة
لو فى حاجة معينة بعينها عايزة تسألى عليها كلنا فى الخدمة

[azza sami]

السلام عليكم ورحمة الله وبركاته

بصى الموضوع ده فى اسئلة كتييييييير واجوبة عن القسم

ده للسنة اللى فاتت
http://www.archcairo.com/forum/showthread.php?t=8042

ده للى قبلها
http://www.archcairo.com/forum/showthread.php?t=5041


حتى لو فى حاجة عايزة تسالى عليها اسالى برده ولايهمك

[memesh]

يا جماعة انا في اعدادي وبفكر ادخل عمارة بس عايز اعرف كل حاجة عن القسم زي المواد وفرص العل والرسم بيكون زي بتاع اعدادي ولا غير وسهلا ولا صعب يا ريييت رسررررررفة عشان انا متردد اويييييي

[memesh]

يا جماعة انا في اعدادي و نفسي ادخل عمارة بس عايو اعرف كل حاجة عن القسم المواد و الدراسة وفرص العمل بعد كده
والرسم بيكون زي بتاع اعدادي ولا غير خالص و حلى يعمي ولا لأ

[azza sami]

السلام عليكم ورحمة الله وبركاته



الكلام اللى جبته كله من مشاركات قديمة بس هى هى نفس المعلومات
ولو فى أسئلة حضرتك أسال براحتك ..تحت أمرك


ولو معلومات تانى ممكن تدخل الموضوع ده .....هيفيدك جدااااا
http://www.archcairo.com/forum/showthread.php?t=8042



ده رد اقتبسته من مشاركة قديمة لمرام عادل

انتو ان شاء الله المواد بتاعتكم في التيرم الاول كالآتي :
تصميم معماري (design) ... ودي ماده اول مره هتسمعوا عنها السنه دي ومش قدامك حل فيها لو عايز تبقى مميز الا انك تعمل search كويس اوي على كل مشروع تاخده و والدكاتره هيفهموكو تعملوه ازاي في وقتها ان شاء الله

الانشاء المعماري
building... هي ماده سهله ولذيذه ومهمه جدا وتعتبر مادة امتياز كمان وهتفهمها اكتر واكتر لما تنزل تدريب عملي ... فلو عندك فرصه انك تقعد مع حد قريبك كبير او تنزل في مكتب حد تعرفو او اي حاجه هتبقى مفيده بالنسبالك اوي بس لو محصلش عادي بردو

المهارات البصريه visual ... هي دي بقى مادة الfree hand

نظريات عماره.... محتاجه منكم تركيز شويه في المحاضرات بس هي بصراحه من امتع المواد اللي درستها في حياتي ... هي تقريبا المحاضرات كلها مجموعة صور لمباني مختلفه من جميع نحاء العالم والدكتور بيبدأ يحللها معاكم ويوريكوا حاجات مهمه اوي في عناصر تصميمها (( هتفهموها اكتر لما تتشرحلكم ))

الاربع مواد دول لازم لازم تربطوهم ببعض كويس وماتفصلوش حاجه فيهم عن التانيه علشان هما بيكملوا بعض

رياضه و احصاء ... منهج صغير وحلو بس اهم حاجه ماتهملهوش وتقولو لا دي مواد نظري مش مهمه انا في قسم عماره وتسيبوها لاخر يوم لان ده غلط جدااااااااااااااا ... وعلى فكره في ناس كتير بيشيلو المواد النظري دي

وده مشاركة من الباشمهندس ياسر sondok بخصوص الشغل

موضع الشغل اللي بره مصر

من سنتين فاتوا كان الطلب على المعماريين المصريين كتير جدا .. وأغلب معماريو مصر كانوا بيسافروا الخريج أول بأول .. وده طبعا لسببين مهمين جدا .. أن الجودة المصرية كويسة .. وتكلفة أقل
بمعنى أصح .. المعماري المصري بيطلع شغل كويس .. وبياخدوا أقل مرتبات بعكس لما يكون واحد أجنبي جاي من تايلان أو ماليزيا أو اي من الدول دي

لكن الحقيقة في الفترة الأخيرة .. ناس كتير مصريين نزلوا من هناك .. وده لأسباب كتير .. من أهمها الأزمة الإقتصادية اللي بتمر بالعالم ناو .. بالإضافة إلى أنهم أبتدوا يعتمدوا أكتر على معماريو النمور الأسيوية جنوب شرق أسيا زي تايلاند وكوريا وخلافة .. وده طبعا لزيادة كفائتهم في العمل .. خصوصا إن دولة مثلا زي الإمارات مابقتش بتبني مباني تقليدية .. بقم بيعملوا حاجات .. محتاجة كفاءة عالية جدا .. وطبعا خصصت ميزانية كبيرة للمشاريع دي ... . وده أضعف فرصة المعماري المصري في الحصول على وظيفة في دول الخليج مثلا .. ده طبعا بخلاف الصعوبة الأكبر في الحصل على وظيفة في أي دول أوروبا لأن لازم تكون متعلم خمس سنين عمارة واحنا في مصر بنتعلم أربعة بس

لكن برضه احنا في الفترة دي .. مازال هناك فرص عمل للمعماريين المصريين في الخليج .. لكنها ما أصبحتش قوية زي الأول ... ... لكن بيعوض ده إن في مصر محتاجيين معماريين .. لأن البلد تقريبا أصبحت شبه فاضية .. نتيجة سفر معظم الخريجين ..
يعني فرصتك في الحصول على وظيفة في مجال العمارة سهلة شوية في مصر .. هو لازم تتعب حبتين .. لكن الفرصة موجودة ومكانك محفوظ

حاجة تانية أنا عايز أوضحها .. أنا شايفكم بتقولوا 60 في المية تنفيذ وكدا
أنا على حد علمي وإني تعرضت لمعماريين كتير شغالين .. هو تقريبا 80% بيشتغلوا مكاتب يعني مش تنفيذ خالص وده طبعا مش معناه إنه هايشتغل تصميم يعني .. لكن ممكن يشتغل ووركينج وده النسبة الغالبة طبعا .. (الرسومات التنفيذية اللي تسلم للمقاول لتنفيذها ) .. وممكن يشتغل جرافيكس وده بيجيب مكاسب عالية جدا ... خصوصا لو شغلك نضيف ....
أما بقى المواقع وكدا .. فأنا أعتقد إنه قليل .. يعني مش كتير أوي .. صحيح في تنفيذ وكل حاجة ... لكن يتوجب على المعماري اللي يشتغل في التنفيذ إنه يقعد فترة كبيرة علشان يتعلم شغل التنفيذ .. لأننا في القسم مانعرفش حاجة عنه .. صحيح في مواد من مدني بندرسها .. لكن كالعادة مالهاش علاقة بأرض الواقع ...... وده طبعا بخلي كتير من المعماريين يبعدوا عن التنفيذ

نقطو كمان عايز أوضحها
قسم عمارة من اكتر الأقسام في الكلية اللي بتتعامل مع أرض الواقع .. صحيح مش بالنسبة الكبيرة وصحيح بعد التخرج هانكتشف حاجات كتير ماتعلمنهاش في القسم .. لكن أنا ماعتقدش إنه هايبقى زي باقي الأقسام .. خصوصا إنهم كلهم ماشيين على وتيرة واحدة .. نظري ثم نظري ثم نظري .. يعني محاضرة وكشكول وكتاب وترجع الساعة 3 تحفظ المسألتين وآخر السنة تحلهم في الإمتحان

في عمارة .. مش بنتعرض لده غير في مواد مدني .. وبعض من المواد النظري التابعة للقسم .. لكن مادة زي الديزين زي الووركينج .. ده أقرب للواقع لأنك بتتعلم اللي انت هاتشتغل بيه بعد كدا .. صحيح مش كل حاجة ... لكن على الأقل جزء كبير من اللي هاتشتغل بيه ...
خصوصا إنك لما تتخرج هايبقى سهل عليك انك تقرا لوحة معمارية .. بعكس المدني والكهربا مثلا .. لما هايشوف أي لوحة هايبقى صعب عليه شويتين إنه يقراهم .....
عايز أقول حاجة .. إن عندنا في القسم مافيش كتب .. يعني مرجعك هو بحثك في المكتبة .. وحضورك للمحاضرات .. طبعا ده بخلاف مواد المدني اللي ليها كتب

حاجة أخيرة .. عايز أقولها كمعلومة عن القسم
المفروض إن في كل دول أوروبا .. مافيش حاجة اسمها مهندس معماري .. لكن اسمه معماري فقط .. وده بيتضح في التسمية بالإنجليش
Civil Engineer مهندس مدني
Architect معماري
أعتقد إنه واضح الفرق .. وده طبعا بيرجع إلى أن قسم العمارة في دول أوروربا .. مش موجود في كلية هندسة أساسا .. لكن له كلية لوحدة اسمها كلية العمارة .. ودي خمس سنين وبتعلمك كل حاجة عن العمارة .. تعليم صح
عايز أقول إن كبريستيج .. المعماري أرقى من المهندس .. لأن باختصار .. مافيش مهندس بيشارك في تنفيذ أي مبنى سواء كان مدني أو كهربا أو ميكانيكا .. كلهم بياخدوا أوامرهم من المعماري .. حتى بعد انتهاء تنفيذ أي مشروع مشهور .. لازم يتقال المبنى ده اللي عمله المعماري فولان .. مش بيتقال اللي نفذه هو المهندس فولان .. وده طبعا نقطة في صالح المعماري
دائما يرتبط اسم المبنى باسم المعماري
structure.... لاااااااااااااااااااااااااااااااااااازم تذاكروها اول باول علشان دي الماده النظري الاتقل في التيرم ده ... بس هي مش صعبه خاااالص هي زي اي ماده نظري درستوها في اعدادي وممكن اسهل كمان محتاجه متابعه وحل شويه

الحقيقة الوضع لا يدعو للاحباط اطلاقا بالعكس ده أنا متفائل جدا ..
لكن أنا ماينفعش أكدب عليكم وأرسملكم أحلام

لكن كل اللي هاقدر أقولهولك إن لو فرصة العمل في عمارة 5 على 10 في أي قسم تاني 1 على 10
ده وضع بلد ...
البلد للأسف مكتفية بنسبة كبيرة في معظم الأقسام التانية .. يعني عايز أقولك أنا واحد صاحبي خريج مناجم وفلزات دفعة السنة .. عايزني أعلموا كاد علشان يشتغل رسام أوتوكاد ... بعيد كل البعد طبعا عن المناجم يعني .. مالوش علاقة خالص
وده طبعا ناتج لقلة فرص العمل في مصر في معظم أقسام هندسة
الحقيقة أنا شايف إن عمارة هي أحسن فرصة عمل موجودة في هندسة .. يليها ميكانيكا وكهربا ومدني بالترتيب .. ده مش كلام من دماغي .. ولا حتى دفاع عن القسم .. لكن ده نتيجة لخبرة اكتسبتها من كل المهندسين اللي قعدت واتكلمت معاهم .. ناس متخرجة وبتشتغل .. وعايز أقولك إن قسم اتصالات مثلا .ز اللي كان وحمة لكل واحد داخل هندسة .... دي من أقل الأقسام اللي بيشتغل في مجاله .. معظمهم في النهاية بيشتغلوا كهربا برضه ... ده طبعا غير الكلام عن كيمياء وطيران وأمثالهم من الأقسام اللي تقريبا نسبة الشغل فيها منعدمة .......

الحقيقة أنا آسف لو كنت سببتلك احباط .. لكن حقيقي والله .. العمارة من أكتر المجالات اللي ليها شغل كتير .. لأن ماتنساش إن دولة زي دلوتنا لسة بتتبني .. ولا مش بتسمع عن المدن الجديدة .. ماهو كل ده شغل ورزق

أما بالنسبة لفرصة السفر أنا مش بقول انها منعدمة ... هي موجودة .. لكن مش زي زمان ..
ومافيش حاجة بتفضل على حالها

[mo_ahly]

can any one answer this question please ??
http://www.eg123.com/forum/showthread.php?t=46764

[yoyie]

المشاركة الأصلية كتبت بواسطة mo_ahly

can any one answer this question please ??
http://www.eg123.com/forum/showthread.php?t=46764

besara7a ana ektashafet fe3lan en el kesm mokalf we by7tag masref bas ko dah by3tmed 3ala 7agat mo3yena ya3ny btfr2 eza kont sha3'al manual or computer tab3an el computer hattklf masref akter besaba el teba3a we kda we kman fe masref tanya bttesrf 3ala el matrial elly btshta3'l beha 3ashan ta3ml maketat we kda we kman el teba3t el ab7as 5astan lwo swar melwna bas hya bt5tlf men kol wa2t le el tany 3ala 7asab el taslemat we eh el matlob we 3ala 7asb tary2t sho3'lk we yarab akon afadtk

[mo_ahly]

thanks alot yoyie
i have quoted ur post to the original topic
thanks for ur help *

[mo_ahly]

can u answer this question also
http://www.eg123.com/forum/showpost....05&postcount=3
thanks in advance

[maram adel]

السلام عليكم ورحمة الله

الكلام كتير اووووي انا عارفه ... لو مش هتصبروا على قرايته كله قولولي و انا اختصر فيه ...

انا هاحاول اقول الحاجات اللي ممكن تكلفكوا في سنه اولى في نقط كده

الادوات اللي هتشتروها اول السنه :

شوية مساطر على مثلثات على اقلام ممكن يعملوا مبلغ و قدره و ممكن لو اشتريتو كل حاجه في وقتها تخففوا الموضوع على نفسكو شويه ... يعني مش لااااااااااااااازم ابدا تجيبوا كل ال list اللي هتلاقوها مكتوبه في سمير و علي اكيد انتو عارفين من اعدادي مش كل الحاجه دي بنستخدمها في الرسم

في حاجات زي اسطامبة الفرش مقياس 1:50 مثلا .. مش هتستخدومها الا تيرم واحد بس او حتى لو سنه اولى كلها لان من سنه تانيه كله 1:100 .. هي اه مجتش على اسطامبه بس كله بيجمع على بعضه يعني اسامبطات روترنج ال 50 ( هما اتنين) .. واحده ب 60 و التانيه ب 40 .. يعني 100 جنيه لو جبت الاتنين ... في حين ممكن تجيبوا واحده محترمه جدا من كاميرا 9 ب 10 جنيه و تقضوا بيها .. يعني انتو اللي ليكو القرار في حتة الادوات و هتقرروا تغلوا على نفسكوا فيها ولا لأ ... بس طبعا ماينفعش تعملوا كده مع حاجه مش المفروض انكو هتجيبوها غير مره واحده او مرتين طول الاربع سنين بالكتير .. زي المسطره او ستاند الرسم ( لو عندكوا مكتب كبير يكفي لوحة 120 * 80 سم و حرفه مظبوط مالهاش لازمه خااااااااااااااااااااالص تربيزة الرسم لانكوا برضو احتمال ماتستخدموهاش كتير بعد كده على حسب هتشتغلوا كمبيوتر ولا لأ )


حاجة الماكتات :

في مادة ال design حاجة الماكتات اللي في المكتبات مابتخلصش و لو حطيتوا في دماغكو ان النجاح في عمل ماكيت هيجي بكتر المواد اللي تشتروها يبقى ان شاء الله من 50 ل 100 جنيه اسبوعيا لحد ما المشروع يخلص
الشجر و الكراسي و العربيات و الحاجات دي ملهاش لازمه خااالص في اول تسليمه .. هي الاخيره و خلاص ( بيبقى لكل مشروع 5 تسليمات تقريبا ) و برضو من غير مبالغه
والله الدكاتره كانوا ساعات يشيلوا الحاجات دي يرموها على جنب و يبدؤا يصححوا بعد كده ... و كمان انا فاكره في مشروع كنت انا مبهدله الدنيا قصقصه ( من قص cut ) و حاطة العجب في الماكت و مابجبتش درجه كويسه و زميلنا كان عامل فكره محترمه بورق بسسسسسسسسس و جاب 9 و نص !!!

يعني دي برضو متوقفه على تصرفكم انتو ممكن تخلوا الموضوع مكلف اوي و ممكن تتصرفوا بحكمه و تسهلوها على نفسكوا

الابحاث :

مفيش ابحاث كتير اوي في اولى بتبقى كل فتره و فتره و برضو مش مكلفه اوي
احسن ورقه هتطبعوها لو كانت full color ب 2و نص ال A4 و 5 جنيه ال A3 ... و اكبر بحث عملناه على حسب ما انا فاكره كان 10 طلاب مشتركين فيه و عملناه بتاع 15 ورقه تقريبااااااااااا على ما اتذكر
فمتقلقوش من البحاث في اولى خالص

اقلقوا منها في تانيه

تسليمات الDESIGN :

مفيش غير تكلفة الورق و دي كلام فارغ
و الشاسيه للتسليمه النهائيه .. هتشتروا 4 طول السنه و الواحد ب 28 جنيه فقط لا غير

لان تسليمات الdesign كلها manual و طبعا الطباعه في حالة الكمبيوتر بتزيد التكلفه على حسب نوع الطباعه بس ده مش في اولى .. في تانيه ان شاء الله


تقريبا مفيش اي تكاليف اي حاجه تانيه .... الكتب قليله اوي بالنسبه لباقي الاقسام و كمان الملازم و الورق و التصوير قلييله جدااا بالنسبه لاعدادي و الاقسام التانيه

معلش طولت عليكم اوووي

لو عوزتوا اي حاجه تاني .. احنا تحت امركو
و هحط COPY من الكلام ده على EG ان شاء الله

السلام عليكم