[DAHAB]

السلام عليكم
ازيك يا رنا
بصي يا ستي : انا مخدتش انتيريور اصلا بس اللي اعرفه انهم في الامتحان بيدخلوا بمجلات و كتالوجات ..... فا انتي بتجاوبي السؤال بأي حاجة تناسبك سواء اسكتشات بأيدك او حتى تقصي من مجلة و تلزقي فا ممكن يكون قصده في لقطات منظورية دي صور لفرش انتيريور من مجلة و لو عاوزة ترسمي بأيدك ممكن
والله اعلم
السلام عليكم

[esraa]

السلام عليكم...........

طيب ايه الاماكن اللي ممكن نجيب منها المجلات

[MAHMOUD]

سلام عليكم...

احنا السنادي ما جالناش في الامتحان اننا نرسم لقطات منظورية ولا حتى في المشروع و التمارين...لكن الحاجة الوحيدة اللي كان فيها رسم جالنا اننا نفرش Plan و الباقي نختار صور من المجلات زي ما سلمى قالت...و ده شبيه جدا بالخطوات اللي مشينا عليها في المشروع بردو...و كل سنة د.نعمان بيعدل شوية في طريقة تدريس المادة...جايز كان قبل كدة بيعلمهم يرسموا منظور انتيريور...لكن شغلنا السنادي مكانش في الموضوع ده خالص...كان بيركز أكتر على فكرة (Express It)...و ازاي نختار أنسب فرش و أنسب ألوان من الصور و ازاي نوزع الفرش في الفراغ ...

و ما تقلقوش من الموضوع ده لأن د.نعمان بيراعي جدا ان مش كل الناس عندها نفس المهارات و بتقدر ترسم Freehand و بيخليكم تقدموا الحاجة بأي طريقة تقدروا تعملوها...و كمان بيكون مرن في المناقشة معاه انكم ممكن تقولوله ما يجيبش حاجة زي كدة في الامتحان عشان مش كل الناس بتعرف ترسم...و هيتقبل الفكرة عادي...

أما المجلات احنا جبناها من سور الأزبكية...في هناك مجلات انتيريور حلوة جدا كتير و كتالوجات كتير...و الميزة انها رخيصة جدا لأنها بتنزل هناك كأنها (Second Hand)...و كتالوجات بتاعت معرض Le marche السنين اللي فاتت و بتكون أرخص بكتير من اننا نشتريها من المعرض نفسه وقت أما بيتعمل...و ممكن تجيبوها حتى ليكم مش شرط للمادة...تتفرجوا عليها يعني و تستفيدوا منها...و حتى تكونوا حفظتوا نوعا ما ايه الصور اللي فيها عشان ما تضيعوش وقت في الامتحان في التدوير على الصورة المناسبة...

و في العموم كورس الانتيريور كان تجربة لزيزة و فريدة من نوعها و الامتحان كان رائع و مختلف عن أي امتحان تاني...و مش هتندموا عليها أكيد...